Erwin Live

De nach is nog joonk

Duuster is de nach en al `t leech kump vaan de maon!
En d`n daag dee is opnuij veurbeij.
Alles geit zoe snel, en wat iech noe nog daon
Is met diech, hei aon mien zijj
Laote veer genete, vaan d`n tied dee d`r nog is.
Want diech stools mien hart en m`n verstand.
Geit dit oets veurbij daan weit iech wat iech mis
Jao iech zweer, diech zèts mien hart in brand!

De nach is nog joonk, de leefde brand zoe heit
Dit is toch `t sjoenste wat besteit!
De nach is nog joonk, hei höb iech op gewach
Kom en blijf bij miech de ganse nach

Es ste nao miech loers, in `t duuster vaan de nach.
Zuuste ouge straole vaan gelök.
In mien stoutste druime had iech neet verwach
Mer de kins noe nog trök….
Laot diech noe verwene, veul wie sjoen `t kin zien.
Bis neet bang, want iech höb diech toch leef
Iech wèl mèt diech vrije, in de maonesjien.
Boe iech daan, mien hart en leefde geef.

 

© 2018 Erwin Live.