Erwin Live

Zie is alles!

Zie is vuur en ies, zie is daag en nach
unne betouverende lach
es zie giftig is, laot häör daan mer allein
want zie raos daan wie ‘ne wèlle
kin daonao röstig vertèlle
zie is gans allein, mie es al biejein

zie is zoe zach en ouch weer hel
deit hiel verbaas, begrip diech wel
zie is alles wat iech toch noets zal zien
zie is de meujte um te leve
heet ut lef um te vergeve
deit altied ouch gèt water bij de wien
nein zie hoof niks oet te legke
wat zie zeet klop altied
iech wèl altied alles zegke
mèr iech wèl häör noets mie kwiet

Is ut wit daan zeet zie zwart
Dat is wat miech soms verwart
Toch is zie de vrow boe iech op höb gewach
reup ut beste in miech op
wat zie deit is altied top
jao zie-is alles wat iech oets höb gehad
en heet alles wat iech noets höb gehad

© 2018 Erwin Live.